Неговите предавања и енергија се толку заразни, човек веднаш е инспириран да направи барем минимални промени ... сите совети применети во пракса ги носеа резултатите кои ги посакував!
Прв пат Сашко го запознав во 2016 година кога во компанијата која работеше на продажба на високо квалитетни суплементи во исхраната, со која соработував, бараше експерт од областа на нутрицинизмот да ни помогне во работењето. На секоја презентација (а, ги имаше многу), Сашко беше целосно внесен и посветен на тоа да помогне во кревањето на свеста на луѓето за здрав начин на живот. Впрочем, во една работилница која траеше околу 90 минути (а, само 10 минути беа посветени на производите), Сашко објаснуваше за причините кои доведуваат до намален имунитет, стрес и различни болести, и како тоа ние да се насочиме кон превентива... Ок, тоа можеби го можат повеќето нутриционисти, но има неколку работи кои го издвојуваат Сашко над сите нутриционисти кои ги познавам... Сашко толку детално објаснуваше, што и најнеукиот човек на планетава би разбрал што значи здрав начин на живот и како да направи потребни промени за да живее на здрав начин. Тој тоа го прави толку природно и со љубов, што кога зборува за тоа има јасно видлива искра во очите... Тоа е толку заразно, човек веднаш е инспириран да направи барем минимални промени. На секој човек присутен на работилниците Сашко ја пренесуваше таа вибрација и секому му посветуваше еднакво внимание. Не видов ниту еден човек да замине од тие работилници, а да не биде побогат со вредни животни знаења и да не беше заразен од искрата во очите на Сашко. Тоа што исто така е важно, Сашко со сопствен пример докажува дека сето тоа што го пренесува како знаење е вистина. Дефинитивно изгледа како некој кому би му ја дарил својата доверба за да биде мој личен нутриционист. Професионалната соработка дефинитивно ме донесе до одлука Сашко и навистина да биде првиот човек кому ќе му се обратам кога ќе имам било какво прашање во врска со нутриционизам. Тоа некогаш беше совет за намалување на телесните масти и зголемување на мускулната маса, некогаш беше совет наменет за моите блиски, некогаш совет за што да исфрлам и што да додадам во исхраната за да постигнам одредена цел... Но, сите совети применети во пракса ги носеа резултатите кои ги посакував. Сашко е дефинитивно полн со знаење од областа на нутриционизмот, и секогаш го надградува своето знаење и кога работи со луѓе, веднаш се чувствува дека тој тоа не го прави само како работа, туку го прави со огромна љубов и јасна визија како да се крене свеста на луѓето за поздрав начин на живот. Го препорачав Сашко на мои блиски пријатели кои имаа одредени здравствени проблеми и сите тие го делат истото мислење со мене за неговиот професионализам. Без сомневање, со 100% сигурност, го охрабрувам секој човек да се консултира со Сашко за било што од областа на нутрицинизмот и верувам дека баш секој ќе ужива во работата со него. Јас имам лична филозофија да бидам окружен со експерти од сите животни области, а мојот ‘Мастер’, Сашко, е дефинитивно еден од луѓето кои ги сакам во мојот најблисок круг.
Д.Р. од Скопје